Articles

«Կանայք, խաղաղությունը և անվտանգությունը» օրակարգը քչաթիվ տարածաշրջաններում է այդքան արդիական, որքան Հարավային Կովկասում, որտեղ խորհրդային ժամանակաշրջանից և ԽՍՀՄ փլուզումից ի վեր բազմաթիվ հակամարտություններ են սկիզբ առել: Այդուհանդերձ, այստեղ ապրող կանայք մշտապես եղել են խաղաղաշինությանը, երկխոսությանը և համայնքների դիմակայունությանն ուղղված փոփոխությունների առանցքային դերակատարներ, որոնք հաճախ բավականաչափ ուշադրության չեն արժանանում: 

2025 թվականի դեկտեմբերի վերջին սկիզբ առած բողոքի ցույցերը Իրանում ու դրանց արդյունքում Իրան-ԱՄՆ հարաբերությունների էլ ավելի սրումը, Իրանի դեմ նոր ռազմական հարձակման մասին քննարկումների առիթ է դարձել։ Ինչպիսի՞ ազդեցություն կունենան այս զարգացումները Հայաստանի անվտանգության վրա, ինչպե՞ս դիմակայել անվտանգության ռիսկերին ու չվնասել ժողովրդավարությանն այս համատեքստում։

Ապրիլի 29-ին Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակը, Հայաստանի ամերիկյան համալսարանի «Թուրփանջյան» հասարակական ուսումնասիրությունների կենտրոնը և Oral History Matters (OHM)-ը ՀԱՀ Ակեան պատկերասրահում անցկացրին Դավիդ Լեուպօլդի «Մարտնչող հիշողությունների երկիր․ հայեր, քրդեր, թուրքեր» գրքի շնորհանդեսը։

Եթե ուզում եք ընդլայնել կենսաբազմազանության և քաղաքական էկոլոգիայի միջև կապերի վերաբերյալ ձեր գիտելիքը, կամ հետաքրքրված եք Հայաստանում հրատապ բնապահպանական և սոցիալական մարտահրավերներով, ապա Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի չորսօրյա ամառային դպրոցը հենց ձե՛զ համար է։ Հրավիրում ենք մասնակցելու «Կանաչ լաբորատորիա Հայաստան-2025»-ին. խորագիրը՝ «Կենսաբազմազանություն և քաղաքական էկոլոգիա»։

Հայաստանում փոքր կուսակցությունները բախվում են մի շարք մարտահրավերների։ Դրանք են ռեսուրսների սահմանափակ լինելը, փոքր շուկան, մեդիա դաշտում անհավասար հնարավորությունները, անձնակենտրոն կուսակցական ավանդույթն ու քաղաքական դաշտի ներառական չլինելը։ Այդուհանդերձ, փոքր կուսակցությունները կարող են ակտիվ մասնակցություն ունենալ հետընտրական կոալիցիաներին և նպաստել ժողովրդավարական ու ներառական գործընթացների զարգացմանը։