Դոկտոր Արմինե Իշխանյանը Լոնդոնի տնտեսագիտության դպրոցում (LSE) Սոցիալական քաղաքականության ամբիոնի դոցենտ և Սոցիալական քաղաքականության և զարգացման (Պետական և հասարակական կազմակերպությունների ուղղություններ) մագիստրոսական ծրագրի ղեկավարն է: Նրա հետազոտության ուսումնասիրության առարկան քաղաքացիական հասարակության, ժողովրդավարության, զարգացման և սոցիալական փոխակերպման փոխհարաբերություններն են։ Նա ուսումնասիրել է, թե ինչպես են քաղաքացիական հասարակական կազմակերպությունները և հասարակական շարժումները ներգրավված քաղաքական գործընթացներում և փոխակերպողական քաղաքականության մեջ մի շարք երկրներում, այդ թվում՝ Հայաստանում, Եգիպտոսում, Հունաստանում և Մեծ Բրիտանիայում: Նա երկու գրքի և բազմաթիվ գրախոսվող ակադեմիական հոդվածների հեղինակ է, ինչպես նաև openDemocracy.net- ի openMovements էջի համահեղինակ է: