Ժիրայր Լիպարիտյան

Ժիրայր Լիպարիտյան

Biography: 

Դոկտոր, պրոֆեսոր Ժիրայր Լիպարիտյանը 2012թ թոշակի անցնելուց առաջ Միչիգանի համալսարանում (Էնն Արբըր) Ալեք Մանուկյանի անվան՝ արդի հայոց պատմության ամբիոնի վարիչն էր (2001-2012թթ) և Հայագիտական ծրագրի տնօրենը (2007-2012թթ)։ Նա Մասաչուսեթսում Արդի հայկական հետազոտությունների և փաստագրման Զորյան ինստիտուտի համահիմնադիրն է և դրա տնօրենն է եղել 1982-1990թթ։ Եղել է նաև ՀՅԴ արխիվի տնօրեն (1982-1988թթ) և «Արմինիան ռիվյու» (Armenian Review) պարբերականի խմբագիր (1983-1988թթ)։ 1991-1997թթ եղել է ՀՀ առաջին նախագահ Լևոն Տեր-Պետրոսյանի խորհրդական, ապա՝ ավագ խորհրդական, իսկ 1993-94թթ՝ նաև նորանկախ հանրապետության արտգործնախարարի առաջին տեղակալ։ Դոկտոր Լիպարիտյանը մի շարք գրքերի և աշխատությունների հեղինակ է և խմբագիր, արդի հայոց պատմության և քաղաքականության մասին մեծաթիվ հրապարակումներ և դասախոսություններ է ունեցել տարբեր երկրներում։ Բնակվում է Մասաչուսեթսի Քեմբրիջ քաղաքում և աշխատում է «Հակամարտության անատոմիա. Լեռնային Ղարաբաղը և նոր աշխարհակարգը» գրքի և այլ նախագծերի վրա։