პროექტი „საარქივო დოკუმენტების კოლექციის გამოქვეყნება, რომელიც ეხება 1956 წლის 5-9 მარტის მოვლენებს," განხორციელდა საქართველოში შვეიცარიის საელჩოს დაფინანსებითა და ჰაინრიჰ ბიოლის ფონდის სამხრეთ კავკასიის რეგიონული ბიუროს მხარდაჭერით.
პროექტი განხორციელდა IDFI-ის ექსპერტთა ჯგუფის მიერ, შსს-ს საარქივო სამმართველოსთან თანამშრომლობით.
პრეზენტაციაზე დამსწრე საზოგადოება გაეცნობა სპეციალურად საარქივო დოკუმენტების კოლექციისთვის შექმნილ ვებ-გვერდს და ასევე, შერჩეული საარქივო მასალების კოლექციას, რომელიც ეხება 1956 წლის 5-9 მარტის მოვლენებს. ამასთან ერთად, საუბარი იქნება საარქივო კვლევების მიმართულებით IDFI-ის სამომავლო გეგმებზე.
მომხსენებლები:
1. გიორგი კლდიაშვილი (დირექტორი, პროექტის კოორდინატორი - IDFI);
2. დოქტორი ანიტა შლუჰტერი (მისიის ხელმძღვანელის მოადგილე, შვეიცარიის საელჩო საქართველოში);
3. დოქტორი ირის კემპე (დირექტორი, ჰაინრიჰ ბიოლის ფონდის სამხრეთ კავკასიის რეგიონული ბიურო).