ქართულ საზოგადოებაში ღრმა პოლიტიკური პოლარიზაციაა, რაც მოქალაქეებს ართმევს შესაძლებლობას განიხილონ მათთვის საინტერესო თემები. დამოუკიდებლობის აღდგენის შემდეგ ქართულ საზოგადოებაში დაგროვდა მრავალი კითხვა, რისხვა, უნდობლობა და შეშფოთება ხელისუფლებაში მყოფი ელიტების მიმართ. თუმცა, პოლიტიკური აქტორები მცირე სივრცეს უთმობენ სამოქალაქო საზოგადოებას და ჰქმნიან მისგან განცალკევებულ საკუთარ დღის წესრიგს. ეს არღვევს ნდობას სახელმწიფოსა და მისი ინსტიტუტების მიმართ. გარდა ამისა, ის ქმნის საზოგადოებაში ნიჰილისტურ განწყობას, რომელიც ხელს უშლის პოლიტიკურ მონაწილეობას. შედეგად, მუდმივად იზრდება უფსკრული ხელისუფლებასა და ხალხს შორის.
ამ მანკიერი წრის გასაწყვეტად, ჩვენი პარტნიორი ორგანიზაცია დემოკრატიული ინსტიტუტების კვლევის ცენტრი (DIRC) მიზნად ისახავს წვლილი შეიტანოს საქართველოში ინკლუზიური და კონსენსუალური პოლიტიკური გარემოს ჩამოყალიბებაში. პროექტის მიზანია საზოგადოებას აუხსნას საკონსტიტუციო ინსტიტუტების ლეგიტიმურობის კრიზისის ფესვები და ლეგიტიმაციის საკითხების დასაძლევად შესაძლო გადაწყვეტილებების შეთავაზება.
DIRC ყურადღებას გაამახვილებს ოთხ საკითხზე ლეგიტიმურობის კრიზისის მიზეზების დასადგენად: 1. კონტრასტი საზოგადოებრივ საჭიროებებსა და პოლიტიკური ისტებლიშმენტის დღის წესრიგს შორის; 2. როგორ უნდა მუშაობდნენ კონსტიტუციური ინსტიტუტები და როგორ მუშაობენ ისინი რეალურად 3. პოლარიზაციის სტრატეგია და მისი გავლენა უცხოური აგენტების კანონის კონტექსტში და ხელისუფლების ნეგატიური რიტორიკა სამოქალაქო საზოგადოების ორგანიზაციების, მედიისა და ცალკეული პირების მიმართ; 4. უსამართლობის ტრავმა, რომელიც გამოწვეული იყო წარსულში ძალაუფლების ბოროტად გამოყენების გამოცდილებით, რაც იარაღად იქნა გამოყენებული პოლიტიკური ელიტების მიერ. ამ ოთხ თემაზე მომზადებული სტატიები, საჯარო საუბრები და ვიდეოები გამოქვეყნდება პლატფორმაზე Komentari.