Աղասի Թադևոսյանը մասնագիտությամբ մշակութային մարդաբան է, պատմական գիտությունների թեկնածու: ՀՀ ԳԱԱ Հնագիտության և ազգագրության ինստիտուտի առաջատար գիտաշխատող է։ 2005-2024 թթ.  դասավանդել է ԵՊՀ պատմության ֆակուլտետի Հնագիտության և ազգագրության ու Մշակութաբանության ամբիոններում՝ «Մշակույթ և քաղաքականություն» «Քաղաքային միջավայրի մարդաբանություն» և «Սոցիալ-մշակութային մարդաբանություն» թեմաներով մագիստրոսական ծրագրերում։ 2012-2013 թթ. ուս. տարում որպես Ֆուլբրայթի հրավիրված հետազոտող աշխատել է նաև Կալիֆորնիայի Բերքլի համալսարանում։ 

Գիտական հետաքրքրությունների շրջանակն է ուշխորհրդային և հետխորհրդային Հայաստանի անցումային գործընթացների մարդաբանությունը և ինքնության փոխակերպումները, պատերազմի մարդաբանությունը, միգրացիայի, աղքատության հիմնախնդիրները, քրեական ենթամշակույթը, սովորելու և կրթության մարդաբանությունը։ 

Նշված թեմաներով ունի հրատարակած մի շարք գրքեր։ Տեղական և արտասահմանյան գիտական հրատարակություններում տպագրել է շուրջ 90 հոդված: