«Կանայք, խաղաղությունը և անվտանգությունը» օրակարգը քչաթիվ տարածաշրջաններում է այդքան արդիական, որքան Հարավային Կովկասում, որտեղ խորհրդային ժամանակաշրջանից և ԽՍՀՄ փլուզումից ի վեր բազմաթիվ հակամարտություններ են սկիզբ առել: Այդուհանդերձ, այստեղ ապրող կանայք մշտապես եղել են խաղաղաշինությանը, երկխոսությանը և համայնքների դիմակայունությանն ուղղված փոփոխությունների առանցքային դերակատարներ, որոնք հաճախ բավականաչափ ուշադրության չեն արժանանում: 

Եթե ուզում եք ընդլայնել կենսաբազմազանության և քաղաքական էկոլոգիայի միջև կապերի վերաբերյալ ձեր գիտելիքը, կամ հետաքրքրված եք Հայաստանում հրատապ բնապահպանական և սոցիալական մարտահրավերներով, ապա Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի չորսօրյա ամառային դպրոցը հենց ձե՛զ համար է։ Հրավիրում ենք մասնակցելու «Կանաչ լաբորատորիա Հայաստան-2025»-ին. խորագիրը՝ «Կենսաբազմազանություն և քաղաքական էկոլոգիա»։