ჰაინრიჰ ბიოლის ფონდის სამხრეთ კავკასიის რეგიონულმა ბიურომ 2015-2016 წელს თანამშრომლობისთვის გამოცხადებულ კონკურსში 185 განაცხადი მიიღო. აპლიკაციების განხილვა სამ ეტაპად წარიმართა. პირველ რიგში, პროექტები სამი კრიტერიუმის - განაცხადის ტექნიკური ასპექტები, განმცხადებლის ორგანიზაციული შესაძლებლობები და ბიუჯეტის ოპტიმალურობის - საფუძველზე შეფასდა. შედეგად, ამ კრიტერიუმების საფუძველზე განსახილველი პროექტების მოკლე სიისთვის 28 განაცხადი შეირჩა. მეორე რიგში, მოკლე სიაში მოხვედრილი განაცხადების ავტორებთან დეტალური კომენტირების და უკუკავშირის საფუძველზე განაცხადების სრულყოფა მოხდა. მესამე რიგში, მოკლე სიაში მოხვედრილი განაცხადების ავტორებთან თანამშრომლობის და ურთიერთობის საშუალებით, 9 პროექტი გამოიკვეთა, რომელთა დაფინანსება 2015 და 2016 წელს შესაძლებელია.
რაც შეეხება საბოლოო გადაწყვეტილებისთვის შერჩეული განაცხადების შესაბამისობას ფონდის საქმიანობის თემატურ მიმართულებებთან, სურათი შემდეგნაირია:
- ურბანული და მდგრადი განვითარება: 4 განაცხადი
- გენდერული დემოკრატია: 2 განაცხადი
- საბჭოთა წარსულის გააზრება: 3 განაცხადი
ფონდი მადლიერია სამხრეთ კავკასიის სამოქალაქო საზოგადოების ორგანიზაციების მიმართ, 2015-2016 წლებში თანამშრომლობისთვის კონკურსისადმი გამოჩენილი მაღალი ინტერესისთვის და ახალი ინიციატივების განხორციელების მზაობას ადასტურებს.
