2017 წლის 11 ოქტომბერს, ჰაინრიჰ ბიოლის ფონდმა უმასპინძლა საჯარო დისკუსიას "თვითმმართველობის არჩევნები: როგორ მივიღოთ ადგილობრივი დემოკრატიული ხელისუფლება?"
როგორ გვხედავენ თავიანთ ისტორიულ და კულტურულ ნარატივებში ჩვენი გადასახედიდან არსებული გლობალური ისტორიის "შემოქმედნი" (დასავლეთი, რუსეთი)? რა ადგილს გვანიჭებენ და რატომ? როგორ ვხედავთ ამ კულტურულ-მენტალურ ორიენტირებში საკუთარ თავს?
ნატო-საქართველოს ურთიერთობებს საფუძველი ჯერ კიდევ 1992 წელს ჩაეყარა, როდესაც საქართველო ჩრდილო-ატლანტიკური თანამშრომლობის საბჭოს შეუერთდა. ნატოში გაწევრიანების სურვილი კი საქართველომ 2002 წელს, პრაღაში გამართულ სამიტზე გამოთქვა.
13 ივნისის ტრაგედიამ ნათელი გახადა ის შეცდომები და ნაკლოვანებები, რაც კრიზისების მართვის, გარემოს დაცვის, ურბანული დაგეგმარების, მსხვილი ინფრასტრუქტურული პროექტების დაგეგმვის და განხორციელების პოლიტიკას უკავშირდება. სამწუხაროდ, საზოგადოების დიდი ნაწილისთვის უცნობია, მოხდა თუ არა გადაწყვეტილების მიმღებების მიერ ამ რეკომენდაციების სრულად ან ნაწილობრივ გათვალისწინება და რა რეალური ნაბიჯები იდგმევა სისტემური ხასიათის ხარვეზების აღმოსაფხვრელად.
ჰაინრიჰ ბიოლის ფონდის სამხრეთ კავკასიის რეგიონული ბიურო საჯარო დებატებს 2004 წლიდან მასპინძლობს. 2013 წლიდან დებატების გეოგრაფია თბილისიდან ქუთაისსა და ბათუმზე გაფართოვდა. ეს სამი ქალაქი ყოველთვიურად უთმობენ სივრცეს თანამედროვე საქართველოს წინაშე მდგარი მწვავე პოლიტიკური, სოციალური და კულტურული პრობლემების განხილვას. დებატები მიზნად ისახავს წაახალისოს საჯარო დისკუსიები კონსტიტუციური სახელმწიფოს და ინკლუზიური სამოქალაქო საზოგადოების დაფუძნებაზე და ხელი შეუწყოს საჯარო დებატების კულტურის ზრდას.
Subscribe to RSS