COVID-19

ანალიტიკური სტატიები და ბლოგოსტები COVID-19-ის პანდემიის გავრცელებასთან ერთად სამხრეთ კავკასიის ქვეყნების წინაშე მდგარი გამოწვევების გაანალიზებას და პრობლემური საკითხების თაობაზე დისკუსიას ისახავს მიზნად

 ცარიელი მარჯანიშვილის ქუჩა საგანგებო მდგომარეობის დროს. 23/04/2020

გლობალური კრიზისის ადგილობრივი სახე: თბილისი და საქართველოს სხვა ქალაქები პანდემიის დროს

უკანასკნელ თვეებში მსოფლიო, და განსაკუთრებით მისი ქალაქები, რადიკალურად იცვლება და უჩვეულო ვითარების მომსწრე ხდება. დაიცალა ქუჩები, გაქრა საზოგადოებრივი ტრანსპორტი და ავტომობილები, დაიხურა საზოგადოებრივი დაწესებულებები, კაფეები და რესტორნები. მეორე მხრივ, იქ სადაც ეს დაშვებულია, გაიზარდა ველოსიპედითა და ფეხით გადაადგილებულთა რაოდენობა. განსაკუთრებული მნიშვნელობა შეიძინა საქალაქო სკვერებმა, პარკებმა თუ ტყეებმა. ეს ყველაფერი ახალი კორონავირუსის სწრაფი გავრცელებით გამოწვეული პანდემიისა და მასთან დაკავშირებული შეზღუდვების შედეგია.