კონფლიქტების ტრანსფორმაცია

ჰაინრიჰ ბიოლის ფონდი 2018 წლიდან სამი წლის მანძილზე ახორციელებდა სალექციო კურსს "ომი და მშვიდობა", რომლის ფარგლებში ადგილობრივი და საერთაშორისო ექსპერტები კითხულობდნენ მოხსენებებს სამშვიდობო პოლიტიკის, ქართულ-აფხაზური და ქართულ-ოსური კონფლიქტების ისტორიის, ომისა და მშვიდობის გაშუქებისა და დოკუმენტაციის, გენდერისა და კონფლიქტის ურთიერთიმიმართების შესახებ.

რუსეთს აქვს თავისი სტრატეგიული ინტერესები სამხრეთ კავკასიაში და ცდილობს დომინანტური პოზიციის დამკვიდრებას რეგიონში. მისი სამეზობლო პოლიტიკა მოიცავს როგორც ძლიერი, ასევე რბილი ძალის ინსტრუმენტებს, რომელთა მიზანია რუსეთის გავლენის გაფართოება სამხრეთ კავკასიის ქვეყნებზე.

მშვიდობა სამხრეთ კავკასიაში განსაკუთრებულად ფასობს. ამის მიუხედავად, სისხლიანი კონფლიქტებისა და დროში ღრმად ფესვგადგმული ტერიტორიული კონფლიქტების გამო, ასე სასურველი მშვიდობა რეგიონში ძნელი მისაღწევია. მთიანი ყარაბაღის კონფლიქტს ახლო მომავალში მოგვარების პირი არ უჩანს და არც კონფლიქტის მონაწილე ქვეყნებში შეინიშნება პოლიტიკური დისკუსიების მეშვეობით მისი ტრანსფორმირების მცდელობა.