მეხსიერების პოლიტიკა - პროექტები

2014 წლის 1-7 დეკემბერს საბჭოთა წარსულის კვლევის ლაბორატორიამ მოაწყო გამოფენა საბჭოთა წარსული თბილისის ჩრდილებში. გამოფენა გაიმართა მწერალთა სახლის  საგამოფენო დარბაზში (მისამართი: ივ. მაჩაბლის ქ. 13)

(დასრულებული პროექტი) პროექტი, რომელიც 2014 წლის ივნის-ოქტომბრის პერიოდში განხორციელდა, მიზნად ისახავდა ტიმოთი სნაიდერის ნაშრომის „სისხლიანი მიწები: ევროპა ჰიტლერსა და სტალინს შორის“ ქართულ ენაზე გამოცემას. აღნიშნული წიგნი, რომელსაც 2013 წელს ჰანა არენდტის პრიზი მიენიჭა, ზედმიწევნით აღწერს იმ საშინელებებს, რაც ნაცისტურმა გერმანიამ და საბჭოთა რუსეთმა ერთმანეთს შორის ტერიტორიებზე, რაც დღევანდელი ბალტიისპირეთი, უკრაინა, ბელორუსი, პოლონეთი და რუსეთის ნაწილია, დაატრიალეს.

2014 წლის 11-12 აპრილს ჰაინრიჰ ბიოლის ფონდის სამხრეთ კავკასიის რეგიონულმა ბიურომ ზეპირი ისტორიების მეთოდოლოგიაში დაგეგმილი სემინარების ციკლის პირველ ეტაპს უმასპინძლა.

(დასრულებული პროექტი) 2014 წელს საბჭოთა წარსულის კვლევის ლაბორატორიამ (SovLab) ჰაინრიჰ ბიოლის ფონდის სამხრეთ კავკასიის რეგიონული ოფისის ფინანსური მხარდაჭერით პროექტი მეოცე საუკუნის საქართველო ოც კადრში განახორციელა.

(დასრულებული პროექტი) პროექტი  “სტალინური სიები საქართველოდან” 2011-13 წლებში განახორციელა ინფორმაციის თავისუფლების განვითარების ინსტიტუტმა (IDFI) საქართველოს შინაგან საქმეთა სამინისტროსა და საერთაშორისო საზოგადოება “მემორიალთან” თანამშრომლობის შედეგად და  ჰაინრიჰ ბიოლის ფონდის სამხრეთ კავკასიის რეგიონალური ბიუროსა და საქართველოში შვეიცარიის საელჩოს ფინანსური მხარდაჭერით. მკვლევართა ჯგუფი ორ წელზე მეტ ხანს იკვლევდა და აანალიზებდა ინფორმაციას 1937-38 წლების “დიდი ტერორის” მსხვერპლთა შესახებ.