ჰაინრიჰ ბიოლის ფონდის თბილისის ოფისი - სამხრეთ კავკასიის რეგიონი

მიუხედავად იმისა, რომ ქართული კულტურული თვითმყოფადობისთვის თამადობა – ტრადიციული  ცერემონიების გაძღოლა – სიახლე არ არის, ენერგეტიკული გარდაქმნის გზაზე მდგარ საქართველოს ენერგეტიკული გაერთიანების მინისტრთა საბჭოს მეთაურობა პირველად მოუწევს. მაგრამ რას ნიშნავს ეს პრეზიდენტობა რეალურად? მხოლოდ ცერემონიული როლია თუ საქართველოსთვის რეალური გავლენის მიმნიჭებელი ენერგეტიკული ტრანსფორმაციის გზაზე? შეძლებს თუ არა ქვეყანა ამ ახალ როლში რეგიონული თანამშრომლობის გაძღოლას, საკუთარი შიდა პოლიტიკური გამოწვევებისა და ევროკავშირთან  არსებული დაძაბულობის გათვალისწინებით? იქცევა კი ეს პრეზიდენტობა სტრატეგიული ლიდერობის მომენტად, რაც ასე ძალიან ესაჭიროება ქვეყანას წლების განმავლობაში შეჩერებული რეფორმების და  ევროპული კურსისადმი ბოლოდროინდელი სკეპტიციზმის ფონზე?